CD Fflic a Fflac - Caneuon o becyn 1&2
 
Mae cyfres Fflic a Fflac yn set o adnoddau sy’n cynorthwyo datblygiad yr iaith Gymraeg i blant yn ystod y Cyfnod Sylfaen. Er eu bod wedi'u bwriadu'n bennaf i ddefnyddio ar gyfer addysgu Cymraeg fel ail-iaith, gallant hefyd gael eu defnyddio ar gyfer cefnogi a gwella iaith siaradwyr Cymraeg brodorol. Mae'r gyfres yn cynnwys pedwar pecyn sy’n amrywio mewn anhawster, pedair set o lyfrau darllen ychwanegol, CD-Rom gerddorol a phâr o bypedau.
 
Mae'r CD yn cynnwys y caneuon o becynnau 1 a 2 sy’n cyflwyno’r plant i'r iaith a ddefnyddir yn yr adnoddau eraill mewn ffordd ddiddorol. Bydd y caneuon yn annog plant i ymarfer yr eirfa a’r iaith Gymraeg mewn ffordd hwyliog a difyr. Yn ogystal, mae yna lyfryn gyda geiriau'r caneuon yn cael ei gynnwys yn y pecyn hefyd.